Kina duhet të filloj të merr parasysh procesin e vaksinimit kundër Covid te fëmijët nën moshën 12-vjeçare, bëjnë të ditur ekspertët nga Qendra për Kontrollin dhe Parandalimin e Sëmundjeve (CDC) në Kinë.
Ky sugjerim nga CDC vjen pasi të dhënat treguan se mbi 70 për qind e popullsisë janë vaksinuar kundër Covid shkruan Reuters, transmeton Gazeta Shneta.
Vendi ka arritur të vaksinoj 1.01 miliardë të popullsisë apo rreth 72 për qind të popullsisë, kështu duke u radhitur ndër vendet më të vaksinuara kundër Covid në botë.
Por, Wang Huaqing, eksperti kryesor për programin e imunizimit të Kinës në CDC ka thënë se Kina duhet të qëndrojë vigjilent për të ndërtuar imunitetin e tufës, pasi varianti Delta target grup ka fëmijët.
“Sa më shumë njerëz vaksinohen, efekti i vaksinave mund të realizohet me të vërtetë”, tha ai gjatë një konference për shtyp.
“Fëmijët nën moshën 12-vjeçare, të cilët ende nuk janë vaksinuar, duhet të merren parasysh”.
Dy vaksinat kryesore të Kinës, të zhvilluara nga Sinovac dhe Sinopharm, janë miratuar për përdorim te fëmijët nga mosha tre-vjecare, mirëpo autoritetet ende nuk kanë planfikuar një program të përshtatëm për fëmijët nën moshën 12-vjeçare./Gazeta Shneta/