Studiuesit kanë zhvilluar një hulumtim për të hetuar transmetueshmërinë e variantit SARS-CoV-2, Delta midis individëve të vaksinuar në të njëjtën familje.
Ndër të tjera, ata zbuluan se ndërsa individët e vaksinuar mund të kenë më pak gjasa të marrin infeksionin, në anën tjetër të imunizuarit kanë po aq të ngjarë të kalojnë virusin nëse e kontraktojnë atë, shkruan Medical News Today përcjell Gazeta Shneta.
Studiuesit gjetën gjithashtu prova që mbrojtja e vaksinës mund të zbehet pas 2-3 muajsh nga vaksinimi.
Vlen të theksohet se studiuesit arriten në përfundimin se vetëm vaksinat janë të pamjaftueshme për të mbajtur në kontroll variantin Delta dhe se njerëzit duhet të mbajnë masa paraprake jo-farmakologjike siç është bartja e maskave dhe ata që kualifikohen për vaksina përforcuese duhet t’i marrin ato në konsideratë.
Vaksinimet kundër COVID-19 ulin ndjeshëm mundësinë e një personi për të zhvilluar pasoja negative dhe për të humbur jetën nga infeksioni SARS-CoV-2.
Në Angli, hulumtimi i ri ka gjetur gjithashtu se vaksinimi i plotë redukton transmetimin e variantit Alfa me 40-50% në familje.
I njëjti studim zbuloi se nëse marrin infeksionin, individët gjithashtu kanë një ngarkesë virale më të ulët në traktin e sipërm respirator sesa ata që janë të pavaksinuar.
Megjithatë, varianti Delta (B.1.617.2) ka zëvendësuar variantin Alfa si më dominues në mbarë botën. Vaksinat aktuale mbeten burime të besueshme shumë efektive në parandalimin e shtrimit në spital dhe humbjes së jetës nga infeksioni me variantin Delta. /Gazeta Shneta/