Vendosja e pacientëve që vuajnë nga koronavirusi në ventilatorë shumë herët mund të bëjë më shumë dëm sesa mirë, kanë paralajmëruar mjekët.
Ndërsa vazhdon kriza Covid-19, mungesa e ventilatorëve vazhdon të mbetet një problem për spitalet në Mbretërinë e Bashkuar që janë të stërmbushur me pacientë që vuajnë nga sëmundja, transmeton Gazeta Shneta.
Por, tani mjekët kanë paralajmëruar që makinat janë duke u përdorur shumë herët për disa pacientë dhe po mendojnë të ndryshojnë mënyrën e përdorimit të tyre.
Sipas Daily Mail, dy të tretat e të sëmurëve nga koronavirusët të cilët janë me ventilatorë nuk mbijetojnë.
Në New York City, të paktën 80 përqind e pacientëve Covid-19 të cilët janë vendosur në ventilatorë kanë vdekur.
Ventilatorët mekanik shtyjnë oksigjenin tek pacientët në mushkëri dhe procesi përfshin ngjitjen e një tubi në fyt.
Disa zyrtar shëndetësor sugjerojnë që futja e oksigjenit nën presion në mushkëri mund t’i irritojë organet dhe t’i dëmtojë ato. Ata gjithashtu sugjerojnë që ventilatorët mund të përkeqësojnë inflamacionin në mushkëri.
Scott Weingart, një mjek në New York, tha se pacientët me koronavirus po përkeqësohen si rezultat i intubacionit.
“Nivelet e larta të forcës dhe niveleve të oksigjenit, si në përpjekjen e rikthimit të niveleve të ngopjes së oksigjenit në normale, mund të dëmtojnë mushkëritë. Do të bëja gjithçka në fuqinë time për të shmangur intunimin e pacientëve”, shtoi ai.
Inflamacioni në mushkëri bën që lëngu nga enët e gjakut të afërt të rrjedhë në qese ajri të vockël në mushkëri, gjë që nga ana tjetër e vështirëson frymëmarrjen dhe ndërpret furnizimin e oksigjenit në organe.
Kur nivelet e pacientëve të oksigjenit bien, mjekët do të drejtohen te ventilatorët si zgjidhja e fundit.
Por, sipas Stat News, mjekët po panikojnë dhe intubojnë pacientët Covid-19 më shpejt sesa virusi bën që oksigjeni i tyre të bjerë në nivele kritikisht të ulëta. /GazetaShneta/