Ministri i Shëndetësisë Arben Vitia ka marr pjesë sot në hapjen e kursit për anesteziologë të organizuar nga Shoqata e Anesteziologëve të Kosovës. Ministri ka kujtuar dy anesteziologët që humbën jetë gjatë pandemisë, Sylejman Dulla dhe Afrim Tasholli.
Vitia ka thënë se anesteziologët janë përballur me shumë sfida dhe kanë sakrifikuar shumëçka gjatë pandemisë, e kjo iu kushtoi me humbjen e jetës dy prej tyre, shkruan Gazeta Shneta.
“Keni dhënë kontribut të jashtëzakonshëm në kohët kur jeni përballur me sfida sikurse ishte pandemia Covid-19. Ju keni sakrifikuar shumëçka dhe kjo fatkeqësisht iu kushtoi edhe me jetë dy kolegëve tuaj Dr. Sylejman Dulla dhe Dr. Afrim Tasholli të cilët i kujtojmë me respekt”, ka thënë Vitia.
Ai ka përmendur shifrat e larta të anestezioneve që kanë kryer anesteziologët, ndonëse janë në numër të vogël.
“Jemi të vetëdijshëm për sfidat që ekzistojnë në vend sa i përket kësaj fushe. Fal përkushtimit tuaj vetëm në QKUK në vitin 2019 janë aplikuar mbi 17 mijë anestezione me një staf prej vetëm 64 anesteziologësh. Ndërsa në vitin 2023 me numër më të vogël të anesteziologëve keni kryer mbi 19 mijë operacione. Në anën tjetër numri i pacientëve në MIQ ka shënuar rritje në vitin 2023 me 578 nga 506 sa ishte në vitin 2019. Këto shifra pasqyrojnë ngarkesën dhe volumin e madh të punës që përballoni çdo ditë, për çka në emër të Qeverisë dhe ministrisë ju falënderoj nga zemra”, ka thënë Vitia.
Ministri ka deklaruar se aktualisht janë 67 specializantë, prej tyre 31 janë në vitin e fundit dhe pas përfundimit do t’i bashkohen ekipeve të anesteziologëve.
Dr. Agreta Gecaj-Gashi, kryetare e Shoqatës së Anesteziologëve të Kosovës, ka thënë se këtë vit në Kongresin e Anesteziologëve në Munih e ka nënshkruar përkrahjen për Deklaratën për Menaxhimin Perioperativ të Gjakut, e cila është produkt i Shoqatës Botërore të Anesteziologëve.
“Qëllimi kryesor i PBM është të përmirësojë rezultatet e pacientit duke kursyer burimet e kujdesit shëndetësor dhe duke reduktuar kostot. OBSH e ka përkrahur kete iniciative me nje rezolute me titull disponueshmëria, siguria dhe cilësia e produkteve të gjakut. Gjate vitit te ardhshëm bashke me OBSH ne Kosove do t’ia prezentojme Ministrit Vitia dhe besojme qe me perkrahjen tuaj Minister do te implemetohet ne te gjitha nivelet e kujdesit shëndetësor”, ka deklaruar Gecaj-Gashi.
Në kursin CEEA 2024 këtë vit është organizuar me temë për Nënat dhe Fëmijët – Efektet anësore të anestezionit.
Gecaj-Gashi ka thënë se anesteziologjia luan një rol kritik në kujdesin obstetrik dhe pediatrik, duke ofruar rehati dhe siguri në disa nga momentet më sfiduese dhe kryesore në jetë.
“Ky modul është krijuar për të na pajisur me njohuritë, kërkimin dhe aftësitë praktike më aktuale, në mënyrë që të mund t’i përgjigjemi në mënyrë efektive nevojave unike të pacientëve tanë më të rinj dhe nënave të tyre”, ka deklaruar ajo.
Në këtë ngjarje audiencës i është adresuar edhe Prof. Idit Matot, Presidente e Shoqatës Evropiane për Anestezion dhe Mjekim Intensiv, përmes një lidhje virutale.
Në këtë ceremoni ka marr pjesë edhe drejtori i përgjithshëm i SHSKUK-së Elvir Azizi, i cili ka falënderuar anesteziologët për punën dhe angazhimin e tyre. Ai ka thënë se vitin e ardhshëm do të ndahet vija buxhetore me të cilën do të mundësohen trajnime për mjekët.
Në kursin e organizuar nga Shoqata e anesteziologëve kanë marr pjesë ligjërues vendor dhe ndërkombëtar. /Gazeta Shneta/