Një foshnjë e lindur para kohe shpesh duhet të ndahet nga prindërit e tij dhe të vendoset në një inkubator në kujdesin intensiv.
Për disa javë, ai ose ajo do t’i nënshtrohet procedurave rutinore mjekësore që mund të jenë të dhimbshme, pa u lehtësuar nga shumë ilaçe kundër dhimbjeve, të cilat janë të rrezikshme për zhvillimin e tij, shkruan MedicalxPress transmeton Gazeta Shneta.
Pra, si mund të veprojmë për të mirën e foshnjës?
Një ekip nga Universiteti i Gjenevës (UNIGE), në bashkëpunim me Spitalin Parini në Itali dhe Universitetin e Valle d’Aosta, vunë re se kur nëna fliste me foshnjën e saj në kohën e ndërhyrjes mjekësore, ky proces dëshmon në zvogëlimin e dhimbjes.
Këto rezultate, që do ti gjeni në revistën ‘Scientific Reports’, demonstrojnë rëndësinë e pranisë së prindërve me foshnjat e lindura para kohe, të cilët i nënshtrohen stresit intensiv që nga lindja.
Së pari, ekipi kërkimor vëzhgoi nëse dhimbja e foshnjës u ul në praninë e nënës. Për ta bërë këtë, ata përdorën profilin e dhimbjes së foshnjave të parakohshme (PIPP), i cili krijon një rrjet kodues midis zero dhe numrit 21 për shprehjet e fytyrës dhe parametrat fiziologjikë (rrahjet e zemrës, oksigjenimi) që dëshmojnë ndjenjat e dhimbshme të foshnjës.
Rezultatet janë domethënëse: profili i dhimbjes së foshnjave të parakohshme (PIPP) është 4.5 kur nëna mungon dhe bie në 3 kur nëna flet me foshnjën e saj.
Zëri i nënës shkakton një rritje të oksitocinës
Shkencëtarët më pas shikuan se çfarë ndryshon tek foshnja kur dëgjon nënën e tij të flasë. “Ne u kthyem shpejt tek oksitocina, i ashtuquajturi hormon i lidhjes, të cilin studimet e mëparshme e kanë lidhur tashmë me stresin”, shpjegon doktoresha Manuela Filippa.
Për të mësuar më shumë rreth komplikimeve të shtatzënisë KLIKO KËTU.
Duke përdorur një mostër të pështymës, para se nëna të fliste ose të këndonte dhe pas shpimit të thembrës, ekipi kërkimor zbuloi se nivelet e oksitocinës u rritën nga 0.8 pikogramë për mililitër në 1.4 kur nëna fliste. “Për sa i përket oksitocinës, kjo është një rritje e konsiderueshme,” thotë ajo.
Këto rezultate tregojnë ndikimin pozitiv të pranisë së nënës kur foshnjat e parakohshme i nënshtrohen procedurave të dhimbshme mjekësore.
“Ne demonstrojmë këtu rëndësinë e afrimit të prindërve dhe fëmijës, veçanërisht në kontekstin delikat të kujdesit intensiv,” thekson Dr. Manuela Filippa. /Gazeta Shneta/