Gratë pas menopauzës mund të reduktojnë ndjeshëm rrezikun e frakturave të ardhshme përmes infuzioneve intravenoze të ilaçit zoledronat (Reclast).
Një studim i publikuar më 15 janar në “New England Journal of Medicine” tregon se gratë nga 50 deri në 60 vjeç që morën dy infuzione brenda pesë vjetësh shfaqën një ulje prej 44% të rrezikut të frakturave të shtyllës kurrizore krahasuar me grupin që mori placebo, raporton Health Day, transmeton Gazeta Shneta.
Dr. Mark Bolland dhe ekipi i tij nga Universiteti i Auckland, Zelanda e Re, theksuan se trajtimi i hershëm me zoledronat mund të parandalojë frakturat vertebrale tek gratë në fazat e para të postmenopauzës.
Përfitimi është edhe ekonomik, pasi ilaçi jepet në intervale të largëta dhe ka një kosto të ulët për pacientët dhe sistemet shëndetësore.
Në menopauzë, gratë kanë një rrezik 50% për të pësuar fraktura gjatë jetës, pasi kockat bëhen më të dobëta dhe të brishta.
Zoledronati përdoret tashmë për trajtimin ose parandalimin e osteoporozës së shkaktuar nga menopauza, por studimi vlerëson efektin e tij në fazat e hershme të postmenopauzës për të shmangur humbjen e kockave.
Ky zbulim sugjeron se infuzioni intravenoz i zoledronatit mund të jetë një strategji efektive dhe e përshtatshme për mbrojtjen e kockave tek gratë pas menopauzës. /Gazeta Shneta/