Sindroma e vdekjes së papritur të foshnjeve (SIDS) përkufizohet si vdekja e papritur e foshnjes nën moshën 1 vjeçare.
Sipas Richard Brucker, pediatër, shumica e këtyre vdekjeve të papritura ndodhin gjatë natës, ndërsa foshnja është në gjumë shkruan Very Well Family, transmeton Gazeta Shneta.
Mësoni më shumë në lidhje me komplikimet e shtatzënisë KËTU
Sipas CDC-së, tragjikisht rreth 3,400 foshnje ndërrojnë jetë përgjatë një viti.
Vetëm në vitin 2019 janë regjistruar 1,250 viktima që i atribuohen SIDS.
Si të zvogëloni rreziqet e SIDS?
Rekomandimet aktuale të AAP-së për të reduktuar SIDS fokusohen në krijimin e një mjedisi të sigurt gjumi për fëmijën tuaj.
Më poshtë, ndiqni disa udhëzime nga ekspertët:
-Vendoseni fëmijën tuaj në shpinë
Një nga gjërat më të rëndësishme për të zvogëluar rrezikun e SIDS është ta vendosni fëmijën tuaj të flejë në shpinë, thotë Marty Ellington, pediatër.
-Ushqeni foshnjen tuaj me gji
Një nga mënyrat më të mira për të zvogëluar rrezikun e SIDS është të ushqeni fëmijën tuaj me gji. Studimi i vitit 2017, i botuar në Pediatrics, zbuloi se gjidhënia zvogëlon rreziqet për SIDS pothuajse 50 për qind.
Përveç gjidhënies, AAP rekomandon dhënien e biberonit gjatë natës, për të zvogëluar rreziqet e SIDS.
-Asnjëherë mos flini në një krevat me foshnjen tuaj
Një faktor rreziku për zhvillimin e SIDS është edhe të flini në krevat me foshnjen tuaj./Gazeta Shneta/