Një rishikim i gjerë shkencor ka konstatuar se përdorimi i acetaminofenit (i njohur si Tylenol ose paracetamol) gjatë shtatzënisë nuk rrit rrezikun për autizëm, ADHD apo aftësi të kufizuara intelektuale te fëmijët.
Analiza, e publikuar në The Lancet Obstetrics, Gynaecology & Women’s Health, ka përfshirë 43 studime cilësore dhe të dhëna nga qindra mijëra fëmijë.
Studiuesit u fokusuan veçanërisht në studime me dizajn të avancuar, përfshirë krahasime mes vëllezërve e motrave, ku një shtatzëni kishte përfshirë përdorimin e acetaminofenit dhe tjetra jo, shkruan HealthDay transmeton Gazeta Shneta.
Rezultatet nuk gjetën asnjë provë se ekspozimi para lindjes ndaj këtij ilaçi dëmton zhvillimin e trurit te fëmijët. Sipas autores kryesore të studimit, acetaminofeni “mbetet një opsion i sigurt gjatë shtatzënisë kur përdoret sipas udhëzimeve mjekësore”.
Studiuesit theksojnë se raportimet e mëhershme që sugjeronin rreziqe të vogla mund të jenë ndikuar nga faktorë të tjerë, si predispozita gjenetike, dhimbjet apo temperatura e lartë te nëna, e jo nga vetë ilaçi.
Studimi vjen në një kohë kur përdorimi i Tylenol-it gjatë shtatzënisë ishte vënë në diskutim publik, por paralajmërime të tilla janë kundërshtuar nga organizata të mëdha mjekësore, përfshirë Kolegjin Amerikan të Obstetërve dhe Gjinekologëve.