Me një kërkim të shpejtë në internet ju mund të gjeni mijëra artikuj që sugjerojnë se njerëzit janë të ngjitur me “smartphone-in” e tyre dhe prandaj humbin shumë përjetime të rëndësishm dhe momente tjera ndërveprimi që mund të ndodhin rreth tyre.
Por hulumtimet psikologjike tregojnë se njerëzit nuk e humbasin fokusin vetëm se janë duke e shikuar ekranin e telefonit; e njejta gjë ndodhë edhe kur ata janë duke bërë bisedë telefonikë me dikë, transmeton GazetaShneta.
Ja disa nga aktivitetet e përditshme që ju mund t’i humbni nëse fokusoheni vetëm në telefon:
1) Rreziqet gjatë ngasjes së veturës
Shoferët që përdorin telefon pa duar ka shumë më pak të ngjarë të vërejnë dhe reagojnë ndaj rreziqeve, madje edhe ato që janë drejtpërdrejt përpara tyre. Kjo çon në rritjen e distancave të reagimit dhe një rritje katërfish në rrezikun e aksidenteve.
2) Kaloni rrugën sigurt
Këmbësorët flasin kudo në telefon. Ata priren të marrin më shumë kohë për të vendosur të kalojnë rrugën, dhe më pas të ecin më ngadalë. Ata gjithashtu bëjnë gjykime më të pasigurta në vendkalimet e këmbësorëve.
3) Shmangin rrugën ku janë nisur
Duke mbajtur telefonin në duar, ju rrezikoni që “t’ia huqni” vendit të caktuar për ku ishit nisur. Shpërqëndrimi nga telefoni ju bën që të harroni ambientin që ju rrethon, të mos shikoni për pengesa në rrugë ose edhe t’I pengoni këmbësorët tjerë.
4) I humbisni çastet e mahnitshme
Vetëm një ecje e thjeshtë mund t’iu mbushë me inspirim nëse këtë gjë e bëni me vetëdije të plotë. Në të kundërtën, kur ju jeni duke ecur duke kontrolluar telefonin, shumë nga këto momente do t’i humbni. Qoftë një perëndim dielli, lojëra e disa fëmijëve në sheshin e qytetit, zogjtë që fluturojnë në grup etj.