Është normale të ndiheni pak të stresuara për ndryshimet që po ndodhin në jetën tuaj dhe në trupin tuaj. Nëse ndjeheni të stresuar për pak kohë nuk ka gjasa që t’i shkaktoni probleme fëmiut tuaj. Por, në qoftëse jeni të stresuar dhe të shqetësuar me ditë, konsultohuni me mjekun tuaj për ndihmë. Stresi ekstrem, mund të rrisë rrezikun e lindjes së parakohshme.
Fokusohuni në fëmijën tuaj
Është më mirë për ju dhe fëmijën tuaj nëse mund të relaksoheni, prandaj mos u ndjeni fajtorë për të marr kohë për vetën. Saherë që keni shanse thjeshtë ndaluni dhe shijoni pushimin tuaj. Kur jeni 23 javë, fëmija juaj mund të dëgjojë zërin tuaj, prandaj përpiquni të bisedoni, këndoni dhe lexoni qetë. Është një mënyrë e mirë për t’u lidhur me fëmijën tuaj dhe mund të ndihmojë të ndiheni më pozitiv në lidhje me shtatzaninë tuaj.
Fleni dhe pushoni mjaftueshëm
Dëgjoni trupin tuaj. Nëse jeni të lodhur, pushoni ose flini më herët. Gjumi është i rëndësishëm për shëndetin mendor të dikujt dhe gjithashtu mbështet një shtatzani të shëndetshme.
Këshillohuni
Nëse keni shqetësime në lidhje me mirëqenien e fëmijës suaj, ose një problem personal, gjithmonë mund të konsultoheni me mjekun tuaj. Mos kini frikë të pranoni se si ndiheni në të vërtetë. Nëse jeni të sinqetë, ju keni më shumë gjasa të merrni mbështetjen që iu nevojitet.
Ushqehuni mirë
Ushqimi i mirë është i mirë për trurin tuaj, trupin tuaj dhe fëmijën tuaj. Sigurohuni që të hani ushqim të rregullt, kështuqë sheqeri i gjakut të mos bjerë, gjë që mund t’iu bëjë të ndiheni të lodhur dhe të irrituar. Nuk është gjithmonë e lehtë për të ngrënë mirë nëse nuk ndjehesh shumë mirë emocionalisht. Por, nëse mund të bësh edhe disa ndryshime të vogla do të ndihesh më mirë.
Bëhuni gati për lindje
Mësoni më shumë se çfarë ndodhë gjatë lindjes. Njohja se çfarë të pret dhe të kuptosh të gjitha mundësitë e tua mund të të ndihmojë të ndihesh më shumë e sigurtë. Gjithashtu mund të filsni me gjinekologun tuaj rreth asaj se çfarë duhet të presësh dhe të bëni sa më shumë pyetje që dëshironi./GazetaShneta/