Në Teksas të Amerikës, një grua e cila kishte lindur pa mitrën në trupin e saj, u bë gruaja e parë në SHBA të kishte sjellë në jetë fëmijën e saj pas transplantit të mitrës.
Foshnja kishte lindur në Qendrën Klinike Universitare të Baylor-it në Dallas, raporton CNN, transmeton Gazeta Shneta. Në një prononcim të spitalit thuhej se ishte diçka e mahnitshme sjellja në jetë e fëmijës pas transplantit të mitrës, për një nënë të cilës i ishin shuar shpresat se do të mund të kishte fëmijë ndonjëherë.
Sipas tyre, ky transplant ishte një studim që ata po bënin për të parë mundësitë për të gjitha gratë tjera që nuk kanë një mitër funksionale të tyren, që tu mundësohet atyre të kenë fëmijë në të ardhmen.
”Të lindësh pas një transplanti të mitrës nuk është fare e thjeshtë”, thanë autoritetet e spitalit pasi shpjeguan të gjithë procesin që gruaja kishte kaluar që të mund të lindte.
”Një herë i morëm vezët e saj për ti ngrirë në frigorifer në mënyrë që të qëndronin derisa operacioni të kryhej. Asaj ju desh të merte shumë injeksione që të mos i ndiente dhimbjet e organit të transplantuar. Një vit pas transplantit ne e kthyem embrionin në mitrën e transplantuar që ajo të mund ta lindte fëmijëne saj” – shpjegoj njëri nga doktorët e klinikës.
Kjo histori u jep shpresë shumë grave që kanë probleme me mitrën e tyre, në mënyrë që në të ardhmen të kenë mundësi të lindin fëmijët e tyre./Gazeta Shneta