Pas gjidhënjes foshnja juaj duket më e relaksuar dhe më e kënaqur
Kjo është një pyetje e zakonshme për nënat e reja që ushqejnë me qumësht gjiu. Para së gjithash, ju doni të siguroheni që foshnja juaj të ushqehet aq sa ka nevojë dhe aktualisht ju nuk mund të shihni se sa qumësht pi foshnja juaj gjatë gjidhënjes!
Përderisa nënat janë në gjendje të sigurojnë tërë qumështin për ti ushqyer foshnjet e tyre, ndonjëherë foshnjave kjo nuk i mjafton. Dhe kur kjo situatë nuk adresohet, atëherë foshnja mund të dehidrojë dhe të dështojë të lulëzojë, që të dy rastet janë të pazakonshme dhe serioze.
Shenjat se bebi juaj po ushqehet mire me gji
– Gjinjtë tuaj do ti ndjeni më të butë pas gjidhënjes sepse foshnja juaj i ka zbrazur qumështin nga i cili kanë qenë të fryer.
– Pas ushqyerjes, foshnja juaj duket më e relaksuar dhe e kënaqur.
– Pas rikthimit të peshës së humbur nga lindja, foshnja juaj do të vazhdojë të fitojë në peshë. ( Shumë foshnja humbin nga 5 deri në 9 përqind të peshës së tyre të lindjes dhe e rifitojnë atë me kohe gjatë 2 javëve të para.) Një udhëzues: Neë muajin e parë, foshnja juaj duhet të fitojë nga 140 gjer në 280 gramë në javë; në muajt 2 dhe 3, do të fitojë nga 140 gjer në 230 gramë në javë; në muajt 3 gjer në 6, do të fitojë nga 70 gjer në 130 gramë në javë; dhe nga 6 deri në 12 muaj , do të fitojë rreth 80 gramë në javë.
– Gjatë ditëve të para, kur foshnja juaj thith kulloshtrën tuaj, do të lag vetëm një deri në dy pelena në ditë. Pasi që të fillojë qumështi, atëherë do ti lag gjashtë gjer në tetë pelena në ditë.
– Gjatë muajit të parë, foshnja juaj do të dalë jashtë për nevojë rreth 3 herë në ditë apo më shumë. Do të bëhen më pak të shpeshta daljet kur të jetë një muajshe. / Gazeta Shneta