Pritja e fëmijës është një ndër periudhat më të bukura për një femër. Një nënë e re përveç lumturisë në këtë periudhë ka dhe shumë shqetësime, ku ndër to mund të përmendim njollat kafe në fytyrë.
Mund të ndodhë që ato të mos ikin dhe pas periudhës së shtatzanisë por nuk duhet të shqetësoheni për këtë pasi tashmë ka shumë metoda që ju vijnë në ndihmë për eleminimin e tyre.
Këto shenja ngjyrë kafe zakonisht shfaqen në ballë, mjekër dhe sidomos në buzën e sipërme. Shfaqja e tyre ndodh si pasojë e ekuilibrit të ri hormonal që kalon femra gjatë shtatzanisë dhe zhduken disa muaj pas lindjes. Gjatë verës këshillohet që për këto shenja të përdoret një krem me nivel të lartë mbrojtjeje sepse dielli i shton më shumë këto shenja në lëkurë.
Nëse problemi do ishte më i përqendruar, mund të përdoren produkte që frenojnë sintezën e melanisë, si psh kremra me bazë acid cogic, thioctic, phytic ose arbutin. Nëqoftëse edhe pas këtij kujdesi, mbas lindjes shenjat nuk kanë ikur akoma, mund të përdoret një lëvozhgë kimike, dhe dermatologët këshillojnë që të mos përdoret gjatë muajve të verës.
Kujdes mos ngatërroni Chloasmën gravidike me Melasman. Të dyja këto shkaktohen nga hormonet femërore. Duke qenë se janë shumë të ngjashme chloasma shfaqet gjatë shtazanisë dhe ikën disa muaj mbas lindjes sepse është lidhur me ndryshimet hormonale të 9 muajve. Kurse melasma mund të shfaqet në çdo moment edhe pse ka disa shkaktarë të tillë, si marrja e pilulës kontraceptive, përdorimi i antibiotikëve ose sëmundjet e tiroideve.
Të dyja llojet e njollave të lëkurës përkeqësohen më shumë nga ekspozimi i fytyrës në diell. Pra kanë kaluar shumë muaj pas lindjes dhe shenjat e tua në fytyrë nuk kanë ikur, është mirë të kontrollohesh në një specialist sepse mund të kesh melasa.