Praktika të spitalit që ndikojnë mbi prodhimin/nxjerrjen e qumështit
Vënia me vonesë në gji e të porsalindurit;
Përdorimi i anestezisë së përgjithshme në lindjen me operacion;
Dhënia e glukozës ose qumështit artificial deri në ardhjen e qumështit;
Vendosja e orareve fikse për ushqyerjen e fëmijës;
Ndarja e fëmijës nga nëna.
Praktika të spitalit që shtojnë ankthin tek nëna
Nënë e papërgatitur dhe e painformuar;
Nënë e lodhur, sepse i është ndaluar të ushqehet gjatë aktivitetit të lindjes;
Ndalim i rreptë i vizitave në mjediset e lindjes për familjarët, ose e kundërta lëvizje të shumta të personelit, ose të familjarëve;
Mbajtja e shtatzënës në pozicion të palëvizshëm gjatë gjithë kohës që zgjat aktiviteti i lindjes;
Lëvizje të panevojshme të shtatzënës nga një mjedis i spitalit në një tjetër; • Mungesa e intimitetit dhe e mbështetjes psikologjike;
Personel mjekësor jo gjithmonë i sjellshëm;
Shumë persona që marrin pjesë në kujdes, shpesh japin informacion të kundërt me njëri-tjetrin.
Kur gjiri nuk ja del dot…
Vitamina K luan rol thelbësor në prodhimin e disa faktorëve shumë të rëndësishëm të mpiksjes së gjakut. Njëkohësisht është zbuluar këto kohët e fundit dhe ndikimi që ka kjo vitaminë në mineralizimin e kockës. Vitaminës K gjendet me shumicë vetëm në perimet me gjethe jeshile dhe në mëlçinë e kafshëve. Në qumështin e lopës dhe gjithashtu në qumështin e gjirit, sasia e kësaj vitamine është shumë e pakët.
Dhënia e vitaminës B6 dhe B12 është e domosdoshme për të gjithë fëmijët, të cilët ushqehen vetëm me gji. Sasia e vitaminës B6 varet nga mënyra e ushqyerjes së nënës. Por kjo vitaminë, edhe pse shtohet në dietë, nuk arrin të japë veprimin e dëshiruar. Ndërkaq është shumë e dobishme dhënia e kësaj vitamine në tremujorin e 2-të të jetës, kohë kjo në të cilën qumështi i nënës jep shumë më pak vitamina. Shtimi i vitaminës B12 bëhet i nevojshëm atëherë kur gruaja është vegjetariane (ha vetëm ushqime bimore).