Gjakderdhja nga hunda ose epistaksia ndodh kur enët e vogla të gjakut brenda hundës tuaj dëmtohen.
Këto gjakderdhje shpesh shkaktohen nga mukoza e juaj duke u bërë tepër e thatë ose thjeshtë nga ndonjë gërvishtje në hundë, gjakderdhje që nuk paraqesin shumë shqetësim, transmeton GazetaShneta.
Ndërsa gjakderdhjet të cilat kanë origjinën e dëmtimit në pjesën e pasme të zgavrës suaj të hundës, mund të jenë më serioze, shkruan “Mother.ly”.
Ka shumë dëshmi anekdotike që konsiderojnë stresin dhe ankthin si nxitës për rrjedhje të gjakut nga hundët. Por ajo që ka më shumë gjasa është se stresi dhe ankthi lidhen me sjelljet e caktuara, kushtet shëndetësore dhe medikamentet që shkaktojnë drejtpërdrejt ato.
Rastet kur gjakderdhja shkaktohet nga stresi
Dhimbja e kokës, nganjëherë e shkaktuar nga stresi, mund të rezultojnë ose të shoqërohen me një hundë të gjakosur.
Nëse ngacmoni hundën tuaj ose e fryeni atë kur ndiheni i stresuar ose i shqetësuar, kjo mund të shkaktojë rrjedhje gjaku.
Situata të tilla si shtatzënia, udhëtimi në lartësi të mëdha, sporte ekstreme ose trauma fizike mund të sjellin ankth. Në këto raste, gjakderdhja nuk është shkaktuar direkt nga stresi që mund ta ndjeni, edhe pse të dy gjërat mund të duken të lidhura. Në vend të kësaj, ajo është shkaktuar nga situata që gjithashtu shkaktoi ankthin.
Hipertensioni, ose presioni i lartë i gjakut, është sugjeruar si një shkaktar për këtë simptomë. Megjithatë, kjo lidhje është kontestuar. Medikamentet që ju merrni për presionin e lartë të gjakut, të tilla si teholluesit e gjakut, mund t’ua bëjë të vështirë që ta kontrolloni hundën.
Gjakderdhjet nga hunda nuk janë zakonisht një tregues i një shqetësimi më serioz shëndetësor. Por nëse ky rast po ju përsëritet – edhe nëse janë apo jo të ndikuara nga stresi- flisni me mjekun tuaj. Ka raste në të cilat gjakderdhjet e përsëritura të paralajmërojnë një simptomë më të rëndë për shëndetin tuaj,/GazetaShneta/