Njerëzit me diabet të tipit 2 shpesh inkurajohen të humbin peshë. Dhe studimet e fundit kanë treguar se humbja e një peshe shumë të madhe mund të ndryshojë diabetin, që do të thotë se personi nuk duhet të marrë ilaçe për të trajtuar sëmundjen e tyre.
Për fat të keq, shumica e njerëzve përpiqen të humbasin sasi të mëdha të peshës dhe të sigurohen që të mos e kthejnë atë peshë përsëri, transmeton GazetaShneta.
Megjithatë, ka pasur pak studime mbi ndikimin e humbjes së një sasie të moderuar të peshës – gjë që do të ishte një qëllim më i lehtë për shumicën e njerëzve, përcjellë “Springer Link”.
Një studim i kryer nga Universitet i Kembrixhit tregon se humbja e një sasie të moderuar të peshës mund të zvogëlojë rrezikun e sulmit në zemër dhe goditjet në tru, ndërlikimet më të shpeshta të diabetit.
Diagnostifikimi me diabetin e tipit 2 mund të frymëzojë disa njerëz për të bërë ndryshime në stilin e tyre të jetesës si dhe per t’i motivuar të humbin peshë. Programet intensive të dietës dhe stërvitjes konsiderohen si mjete të efektshme që ndihmojnë njerëzit me diabet të humbasin peshë.
Megjithatë, dëshmitë nga ky studim sugjerojnë se disa njerëz mund të humbin peshë pasi të jenë diagnostikuar dhe kështu të ulin rrezikun e tyre të sëmundjeve kardiovaskulare, madje edhe pa një program mbështetës për humbjen e peshës.
Pra, njerëzit me diabet të tipit 2 mund ta vënë në konsideratë përqendrimin e vëmendjes drejt vendosjes së qëllimeve të moderuara të humbjes së peshës./GazetaShneta/