Ekziston një pretendim i përhapur se sheqeri është shkaku i vetëm i diabetit pasi që kjo sëmundje karakterizohet nga nivele të larta të sheqerit në gjak.
Diabeti u identifikua për herë të parë nëpërmjet erës së ëmbël të urinës dhe më vonë u bë e qartë se urina e ëmbël, me sheqer, nënkuptonte një nivel të lartë të sheqerit në gjak. Me kalimin e kohës, trajtimi i diabetit ka ndryshuar, nga aty ku bëhej thirrjet që të hahet kryesisht sheqeri (për të zëvendësuar atë që është humbur), deri tek ana ekstreme tjetër që thoshte të shmangeshin ëmbëlsirat (për të kufizuar nivelet e larta të sheqerit), transmeton GazetaShneta.
Sot, debati mbi sasitë e sheqerit dhe rolin e tij në diabet duket më I ashpër se gjithmonë.
Diabeti i tipit 1 është një sëmundje autoimune, ku ndërveprojnë gjenetika dhe faktorët e mjedisit. Disa studime sugjerojnë se marrja e sheqerit mund të luajë një rol në zhvillimin e diabetit të tipit 1, por ky studim është ende gjysmak, pwrcjellw “The American Journal of Clinical Nutrition”.
Për diabetin e tipit 2, një dietë e lartë në sheqer mundet, në parim, të ndikojë ose të përshpejtojë progresin e sëmundjes në varësi të mënyrës së konsumit. Por për të sugjeruar se sheqeri dietik mund të shkaktojë ose të kontribuojë në diabetin e tipit 2 ka nevojë për prova të forta shkencore që tregojnë se sheqeri rrit peshën trupore dhe yndyrën e trupit (e domosdoshme për diabetin e tipit 2), ose se sheqeri ka një lloj efekti unik që çon në këtë tip të diabetit, pa marrë parasysh peshën ose yndyrën e trupit.
Por në fund nuk ka asnjë studim më konktret që përcakton se sheqeri ose ushqime e ëmbla vetëm mund të shkaktojnë diabetin e tipit 2. Në përgjithësi, njerëzit që hanë shumë sheqer kanë tendencë të kenë dieta më të varfra dhe stile jetese jo të shëndetshëm.
Këto, si dhe faktorë të tjerë duke përfshirë stili urban i jetesës, ambienti i ushqimit, vendet e vështira të punës, gjumi i paktë dhe çmimi i ushqimit ndoshta kontribuojnë më shumë në rritjen e incidencës së diabetit të tipit 2 sesa sheqeri si indikator i vetëm. /GazetaShneta/