Përparësitë e lindjes vaginale pasi në nënë ka lindur së pari me prerje cezaiane përfshijnë një shans më të madh për një lindje pa komplikime në shtatëzënitë e ardhshme.
Këto raste do të shoqërohen po ashtu me një kohë më të shkurtër shërimi, zvogëlim i rrezikut të mpiksjes së gjakut dhe përmirësim i lidhjes nënë-foshnje, transmeton GazetaShneta.
Gratë që kanë kanë lindur përmes seksionit cezarian qëndrojnë më gjatë në spital dhe kanë më shumë gjasa që të kenë nevojë për ri-pranim për shkak të mundësive për ndërlikime të tilla si infeksioni. Mund të ndikohen po ashtu edhe aspekte të tjera të jetës, siç është mbajtja në dorë e foshnjës së tyre, pa mundësia për të vozitur makinën për një kohë, larja e rrobave dhe bartja e tyre për tu tharë etj.
Ekzistojnë gjithashtu prova të reja që seksionet cezariane mund të kenë efekte afatgjata në organizmin e nënave dhe ky efekt lidhen me rritjen e ndjeshmërisë ndaj sëmundjeve, përcjellë “The Conversation”.
E në anën tjetër janë dhe disa sisavantazhe të lindjes vaginale pas asaj cezariane.
Ekziston rreziku për këputje të mitrës; kjo ndodhë kur muret e mitrës hapen gjatë lindjes. Mund të jetë hapje e lehtë, ose ekstreme, ku mitra plotësisht hapet. Çarja e mitrës ndodh në rreth 1 në 200 lindje të tilla dhe mund të jetë katastrofike për nënën dhe foshnjën.
Në disa raste, edhe kur një grua kërkon të ketë lindje natyrale ajo mund të përfundojë duke lindur përmes ndërhyrjes kirurgjike pasi të vlerësohet nga ekipi mjekësor. /GazetaShneta/