Për herë të parë në Qendrën Klinike Universitare të Kosovës, mjekët e QKUK-së kanë kryer procedurën e kateterizimit në zemër tek një fëmijë 14-vjeçar.
Procedura është kryer nga mjekët e Klinikës së Pediatrisë në bashkëpunim me ata të Klinikës së Kardiologjisë, përcjell Gazeta Shneta.
Bëhet e ditur se fëmija L.S. ishte diagnostikuar me hipertension arterial të ngritur, dhe procedura e kateterizimit u krye për të zbuluar ndonjë ngushtim në arteriet e zemrës.
Ekzaminimi invaziv u zhvillua me sukses në sallën e Hemodinamikës të Klinikës së Kardiologjisë nga stafi vendor i mjekëve dhe infermierëve, pa ndonjë komplikacion.
Pas procedurës, fëmija u transferua në Klinikën e Pediatrisë për monitorim dhe trajtim të mëtejshëm.
Njoftimi i plotë:
Për herë të parë, në Qendrën Klinike Univerisitare të Kosovës, nga stafi i mjekëve të QKUK-së, është kryer procedura e kateterizimit në zemër tek një fëmijë i moshës 14 vjeçare.
Procedura është kryer nga mjekët e Klinikës së Pediatrisë, në bashkëpunim me ata të Klinikës së Kardiologjisë.Fëmiu L.S. ishte diagnostikuar me hipertension arterial të ngritur dhe është bërë ekzaminimi invaziv hemodinamik, me qëllim të zbulimit të ndonjë ngushtimi të arterieve.Ekzaminimi Invaziv është kryer ne sallën e Hemodinamikës të Klinikës së Kardiologjisë .Ekzaminimi është kryer vetëm nga stafi vendor i mjekëve dhe infermierëve dhe procedura ka kalur pa komplikime.
Fëmiu pas procedurës, është transferuar, në Klinikën e Pediatrisë.