Hulumtimi i paraqitur në Takimin Vjetor 2024 të Shoqatës së Menopauzës në Çikago ka synuar të zbulojë ndikimin e terapisë së zëvendësimit hormonal në aspekte të ndryshme të shëndetit.
Një studim raporton se përdorimi i zgjatur i disa terapive hormonale mund të përmirësojë shënuesit e shëndetit kardiovaskular në menopauzë, shkruan burimi Medical News Today përcjell Gazeta Shneta.
Një meta-analizë e madhe zbuloi më tej se terapia hormonale mund të ndihmojë në përmirësimin e ndjeshmërisë ndaj insulinës duke rivendosur nivelet e estrogjenit.
Terapia e zëvendësuese hormonale (HRT) është një trajtim i përhapur për një sërë simptomash të menopauzës, të tilla si afshet e nxehta, djersitjet gjatë natës dhe thatësia vaginale. Kjo terapi funksionon duke rivendosur nivelet e hormoneve të ndryshme në trup – zakonisht, por jo gjithmonë, estrogjenit – pasi këto priren të ulen me moshën, një proces që shpesh është përgjegjës për shumë nga simptomat që lidhen me menopauzën. Mes tjerash, kjo terapi zëvendësuese hormonale për menopauzën mund të përfshijnë terapi me estrogjen, progesteron ose ndonjëherë testosteron, në varësi të asaj që i nevojitet një individi. /Gazeta Shneta/