Një studim i ri ka zbuluar se konsumimi i kafes në mëngjes mund të ulë rrezikun e vdekjes së hershme, veçanërisht nga sëmundjet kardiovaskulare.
Hulumtimi, i kryer nga studiuesit e Universitetit Tualante në New Orleans, zbuloi se njerëzit që konsumojnë kafe në mëngjes kanë një rrezik më të ulët të vdekjes nga sëmundjet e zemrës në krahasim me ata që pinë kafe gjatë gjithë ditës, shkruan Tulane.edu. transmeton Gazeta Shneta.
Studiuesit analizuan të dhënat e mbi 40,000 individëve të rritur, të cilët ishin konsumues të kafes dhe i ndoqën ata nga viti 1999 deri në 2018. Gjatë kësaj periudhe, 4,295 persona vdiqën, duke përfshirë 1,268 vdekje nga sëmundjet kardiovaskulare.
Ata zbuluan se individët që konsumonin kafe në mëngjes kishin 16% më pak gjasa të vdisnin gjatë periudhës së studimit dhe 31% më pak mundësi të vdisnin nga sëmundjet e zemrës, krahasuar me ata që nuk konsumonin kafe.
Studiuesit theksuan se pirja e një sasie më të madhe kafeje ishte e lidhur me një rrezik më të ulët të vdekjes, por kjo lidhje ishte më e fortë tek ata që pinë kafe në mëngjes, në krahasim me ata që e konsumojnë gjatë gjithë ditës.
Ky hulumtim ofron një perspektivë të re mbi përfitimet e mundshme shëndetësore të pirjes së kafes në kohë të caktuara të ditës./ Gazeta Shneta/