A mund të përmirësojë humbja e peshës para IVF shanset për të mbetur shtatzënë?
Përgjigja, sipas një studimi të ri, duket se është po, veçanërisht përmes ngjizjes natyrale.
Studiuesit shqyrtuan 12 studime klinike që përfshinin gati 2,000 gra me obezitet që kërkonin trajtim për fertilitetin. Të gjitha kishin një BMI prej 27 ose më lart – dhe shumica ishin në fillim të të 30-ave.
Studiuesit shqyrtuan nëse humbja e peshës para fillimit të fertilizimit in vitro i ndihmonte gratë të mbeteshin shtatzënë dhe nëse kjo çonte në më shumë lindje të gjalla.
Ndërhyrjet ndryshonin — nga dietat me pak kalori, te ushtrimet dhe të ushqyerit e shëndetshëm, e deri te medikamentet e shoqëruara me ndryshime në stilin e jetës, shkruan HealthyDay, transmeton Gazeta Shneta.
Rezultatet? Humbja e peshës para IVF rriti normat totale të shtatzënisë — kryesisht nëpërmjet rritjes së ngjizjes natyrale dhe pa asistencë. Por efekti në shtatzënitë që rezultuan vetëm nga IVF ishte i pasigurt.
Ndërhyrjet për humbje peshe nuk ishin të lidhura me humbjen e shtatzënisë dhe efekti i tyre në shkallën e lindjeve të gjalla ishte i paqartë.
Autorët thonë se nevojiten më shumë prova me cilësi të lartë për të përcaktuar “cilat ndërhyrje dhe çfarë madhësie të humbjes së peshës janë më të dobishme”./Gazeta Shneta/