Në Klinikën e Radiologjisë në QKUK është ndryshuar emri i drejtuesit.
Klinika e Radiologjisë në QKUK nga dje po udhëhiqet nga radiologu Gani Morina, shkruan Gazeta Shneta.
Morina është emëruar në këtë pozitë nga ud.drejtori i QKUK-së Mentor Zejnullahu. Ky ndryshim ka ndodhur për shkak se ud.drejtoresha Shkëndije Nuza ka kaluar 6 mujorin si ud.
Në këtë klinikë ka qenë në proces edhe konkursi për drejtor. Rezultatet e konkursit nuk janë publikuar edhe pse kanë kaluar të gjitha afatet ligjore.
Për këtë çështje menaxhmenti i QKUK-së dhe SHSKUK-së nuk i kanë dhënë sqarime gazetës. Kjo situatë ka ndodhur edhe në Klinikën e Neurologjisë. /Gazeta Shneta/