Një studim i udhëhequr nga psikologët e Universitetit të New South Wales (UNSW) tregon se një kurs i shkurtër online mund të ndihmojë të rinjtë të përballen më mirë me pasigurinë dhe të reduktojnë ndjenjat e ankthit dhe depresionit.
Përfitimet e kursit ishin të dukshme edhe një muaj pas përfundimit të tij, shkruan MedicalXpress, përcjell Gazeta Shneta.
Studimi, i publikuar në revistën Psychological Medicine, vjen në një kohë kur të rinjtë përballen me pasiguri të vazhdueshme nga pandemia, krizat globale, presionet ekonomike dhe mungesa e strehimit.
Kursi i quajtur Uncertainty-Mindset Training i dha pjesëmarrësve moshës 18-24 vjeç aftësinë të shohin pasigurinë si një sfidë të menaxhueshme dhe i mësoi strategjinë STAR (STop, Accept, Re-think) për të ndërprerë shqetësimet dhe ruminimin që lidhen me ankthin dhe depresionin.
Nga 259 të rinj që morën pjesë, ata që përfunduan këtë kurs treguan reduktime të ndjeshme të intolerancës ndaj pasigurisë dhe përmirësime të dukshme në shëndetin mendor, krahasuar me grupet që ndoqën një modul të përgjithshëm për mirëqenien ose nuk morën trajnim fare.
Autorët e studimit theksuan se përfitimet psikologjike zgjatën edhe tre muaj pas kursit, duke treguar potencialin për ndërtimin e reziliencës afatgjatë tek të rinjtë.
“Një kurs kaq i shkurtër dhe i aksesueshëm mund të ofrojë përfitime reale, veçanërisht për të rinjtë që nuk kanë qasje të lehtë te shërbimet tradicionale,” tha A/Prof. Susanne Schweizer, autore e studimit./Gazeta Shneta/