Shërbimi Kombëtar Shëndetësor i Mbretërisë së Bashkuar (NHS), institucioni publik që ofron kujdes shëndetësor në Britani, ka bërë të ditur rastin e një ndërhyrjeje të rrallë që shpëtoi jetën e një foshnje ende të palindur.
Arturi, në javën e 16-të të shtatzënisë, iu nënshtrua një transfuzioni intrauterine – procedurë komplekse që realizohet përmes gjilpërës në kordonin kërthizor me ndihmën e pajisjes së ultratingullit.
Ai ishte infektuar me parvovirus, që në këtë rast i shkaktoi anemi të rëndë dhe grumbullim lëngu rreth zemrës.
Ndërhyrja u krye në Spitalin Universitar Shën Xhorxhi në Londër dhe bëri të mundur që foshnja të lindte në mënyrë të sigurt në janar të 2025, transmeton Gazeta Shneta.
Nëna e tij, Maisie, 30 vjeçe nga Cranleigh, ishte zgjuar gjatë tërë procedurës.
“Ishte shumë e frikshme. Mjekët thanë se shanset ishin 50 me 50. Duhej të qëndroja plotësisht e palëvizshme, pasi çdo lëvizje mund të ishte e rrezikshme. Ai ishte shumë i vogël dhe mjekët punonin me saktësi brenda milimetrash,” thotë ajo.
/Gazeta Shneta/