Pesë foshnje kanë ardhur në jetë gjatë 24 orëve të fundit në Spitalin e Përgjithshëm të Pejës. Sipas të dhënave të publikuara nga ky institucion shëndetësor, tre nga të porsalindurit janë djem, ndërsa dy vajza.
Brenda së njëjtës periudhë, në spital janë pranuar edhe 35 pacientë të rinj për trajtim të mëtejmë, ndërsa numri i pacientëve të shtrirë ka qenë 158.
Gjatë ditës së djeshme, ekipet mjekësore kanë realizuar 348 vizita specialistike, duke ofruar kujdes shëndetësor për pacientët në repartet e ndryshme të spitalit, përcjell Gazeta Shneta.
Shërbimet laboratorike kanë mbetur ndër më të kërkuarat, me 213 pacientë që kanë kryer gjithsej 2,733 analiza laboratorike.
Po ashtu, janë realizuar 13 ndërhyrje kirurgjikale dhe 41 trajtime me hemodializë për pacientët që kanë nevojë për këtë shërbim.
Në aspektin diagnostik, janë kryer 71 ekzaminime me rëntgen, 33 ultrazëra dhe 15 rezonanca magnetike (MRI). Ndërkohë, janë realizuar edhe 12 ekzaminime me ekokardiografi, shtatë ergometri dhe pesë gastroskopi.
Shërbimet rehabilituese kanë vazhduar gjithashtu, me 30 procedura fiziatrike të ofruara për pacientët.