Është një dilemë me të cilën përballen shumë prindër të rinj: të zgjohen në mes të natës për t’i qetësuar foshnjat e tyre që qajnë apo t’i lënë të qajnë deri të flenë?
Tani shkencëtarët thonë se foshnjat flenë më mirë dhe zgjohen më pak gjatë natës nëse lihen të qetësohen vetë.
Në disa teste, ekspertët e gjumit gjetën se kjo taktikë bëri që edhe anëtarët e tjerë të familjes të bëjnë më shumë sy gjumë, transmeton Express.
Profesori Michael Gradisar përdori në studimin e tij dy teknika të kontrollimit të të qarës – gjithashtu edhe duke i lënë prindërit që t’i qetësonin foshnjat kur dëshironin.
Ai gjeti se metodat e kontrollimit të të qarës nuk kishin efekte të dëmshme as në prindër as në foshnje. Profesori Gradisar tha: “Është e natyrshme që prindërit të brengosen për foshnjat që qajnë në kohën e gjumit. Kur dihet se mungesa e gjumit mund të sjellë shumë probleme shëndetësore, ne besojmë se këto rezultate do të shtojnë një tjetër element në atë se si prindërit i shikojnë reagimet e tyre dhe si i menaxhojnë zakonet e gjumit të foshnjave të tyre”.
Ai i testoi 43 foshnje, të moshës gjashtë deri 16 muajsh, që vuanin nga probleme me gjumë gjatë natës. Foshnjat që ishin lënë të qanin, duke përdorur teknikën e kontrollimit të të qarës, fjetën më mirë gjatë natës dhe ranë në gjumë 10 deri 13 minuta më shpejtë.
Gradisar është një profesor nga Universiteti Flinders në Australi, i cili sugjeron se kjo teknikë mundëson që foshnjat të bien më lehtë në gjumë gjatë natës.