Gjatë shtatzënisë, do të përjetoni dhimbje të ndryshme në trup, madje edhe ulja dhe ngritja do të bëhen të komplikuara saqë do të keni dhimbje të mëdha. Më poshtë do të gjeni disa metoda që do t’ua lehtësojnë dhe do t’ua mbrojnë nyjat nga ngritja dhe ulja në karrige apo vende tjera, transmeton Gazeta Shneta.
Uluni duke hapur këmbët përreth karriges
Hapni këmbët përreth karriges dhe provoni të afroheni para me shpinë. Lëshojeni trupin mbi karrige, ndërsa krahët mbani si hark.
Afër barkut mbajeni një jastëk të butë. Në këtë mënyrë nuk do të ndjeni dhimbje as në trup e as në shpinë.
Ulja që bëni kur jeni të lodhura
Një ulje në karrige, e tillë sikur në foton e mëposhtme në ato momente kur ndjeheni të lodhura, do t’ju shkaktoj dhimbje të mëdha në shpinë. Nëse uleni në karrige pa u mbështetur, apo në ndonjë vend të fortë, atëherë do të ndjeni dhimbje në trup një kohë të gjatë.
Si të uleni në një pozicion të mirë
Të uleni në një vend të butë, dhe ta mbani shpinën drejtë është një pozicion shumë i mirë për ta bërë. Zemra në këto momente nuk shtrëngohet dhe fundi i barkut nuk do të lëndohet, kështu edhe barku do t’ju pushoj.
Këmbët duhet të jenë të hapura, pra jo të bashkuara me njëra tjetrën.
Si të ngriheni, hapi i parë
Bëni një gjysmë hark përpara me trup, sikur në fotografi, pra gjoksi të shtyhet përpara dhe jepini zor me këmbët tuaja të ngriheni. Mos lëvizni shpatullat, dhe mos i jepni trupit fuqi, kështu do të ngriheni pa ndonjë problem.
Hapi i dytë
Gjoksin vazhdoni ta mbani përpara, ndërkaq edhe shpinën mos e kërrusni por mbajeni si gjysmë hark.
Hapi i tretë
Ngrihuni në këmbë dhe mos e lëshoni trupin para, pra mos u kërrusni dhe mbajeni shpinën drejtë. Kështu mund të lëvizni para dhe pas me një veprim të qetë dhe të ngadaltë, pa ndjerë dhimbje.
Hapi i katërt
Tani mund të uleni dhe të ngriheni, deri sa të ndjeni trupin në formë dhe të mos keni lodhje. Në këtë mënyrë, ju edhe do të fitoni kondicion dhe energji. /Gazeta Shneta/