Nënat gjidhënëse nuk duhet të shmangin disa ushqime pasi ato ndikojnë në cilësinë e qumështit që thithin fëmijët e tyre.
Ekspertët amerikanë kanë sugjeruar që nënat që ushqejnë me gji, duhet të hanë më shumë vezë dhe kikirikë, pasi këto dy ushqime ndikojnë në mbrojtjen e fëmijës nga alergji që potencialisht mund të jenë vdekjeprurëse, shkruan KidSpot, transmeton Gazeta Shneta.
Hulumtuesit nga Spitali i Fëmijëve në Boston të SHBA-së, kanë bërë kërkime me minjtë shtatzënë. Minjve iu janë dhënë vezë dhe është gjetur se ky ushqim është transformuar në antitrupa mbrojtës tek pasardhësit e tyre nëpërmjet qumështit të gjirit.
Studimi i publikuar nga ‘Journal of Experimental Medicine’, zbuloi se këta antitrupa kanë mbrojtur bebet minj nga alergjitë në ushqime.
Poashtu është shkaktuar edhe prodhimi i qelizave specifike imune.
Dr. James Baker nga organizata për edukim dhe hulumtim të alergjive në ushqime, thotë se ky studim sugjeron që nënat gjatë shtatzënisë ose gjidhënies janë të lira të hanë ushqime të ndryshme por të shëndetshme.
“Këto ushqime nuk do të shkaktojnë zhvillimin e alergjive tek fëmijët, por përkundrazi do të mbrojnë ata nga alergjitë”, ka deklaruar Dr. Baker. /Gazeta Shneta/