Moti i ftohtë mund të shkaktojë dëmtime në lëkurën e të vegjlit tuaj. Lëkura e fëmijëve është më e ndjeshme sesa e të rriturit dhe gjatë dimrit ata ndikohen më shumë nga thatësira dhe ekzema.
Lëkura vepron si rregullues i temperaturës së trupit, mbron kundër irrituesve dhe nga infeksionet e mundshme. Por kur lëkura bëhet e thatë, kjo mbrojtje mund të dështojë, shkruan Motherandbaby, transmeton Gazeta Shneta.
Dermatologia Jennifer Crawley na jep disa këshilla se si ta mbajmë lëkurën e foshnjës.
Lëkura e butë është jetësore për të posalindurit dhe fëmijët pasi thahet më shpejtë sesa tek të rriturit.
Me rënien e temperaturave, tek fëmijët mund të shfaqet ekzema dhe të shkaktojë kruarje të pakëndshme. Prandaj është me rëndësi që ta mbani fëmijën të hidratuar, së paku dy herë në ditë, veçanërisht pas larjes.
Kur bleni hidratues për lëkurën e fëmijës, sigurohuni që janë testuar dhe miratuar nga dermatologët dhe kërkoni produkte që nuk përmbajnë kimikate të dëmshme, si SLS, ‘parabens’ dhe të tjera.
Nëse keni vendosur që fëmijën tuaj ta nxirrni jashtë në këto ditë të ftohta, atëherë sigurohuni që t’i vishni doreza sidomos fëmijës nën 1 vjeç.
Shmangni ndryshimet ekstreme të temperaturës. Pasi të ktheheni në shtëpi, mos nxitoni tek radiatori sepse ndryshimi ekstrem ka efekt negativ në lëkurë.
Poashtu, banja e fëmijës nuk duhet të jetë shumë e nxehtë, por e ngrohtë mjaftueshëm. /Gazeta Shneta/