Agjencia e barnave e Bashkimit Evropian, rekomandoi të hënën miratimin e përdorimit të një bari anti-inflamator për trajtimin e të rriturve të shtruar në spital me formën COVID të rëndë.
Vendimi i Agjencisë Evropiane të Barnave, i cili duhet të konfirmohet nga komisioni ekzekutiv i BE-së, zgjat përdorimin e barit RoActemra, të prodhuar nga gjiganti farmaceutik zviceran Roche, që aktualisht përdoret për trajtimin e formave të artritit shkruan MedicalxPress përcjell Gazeta Shneta.
EMA me bazë në Amsterdam tha se bari tani mund të përdoret te pacientët e rritur COVID-19 të cilët po trajtohen me kortikosteroide dhe kërkojnë oksigjen shtesë ose ventilim mekanik.
Bari i dhënë përmes injeksionit IV, zvogëlon një proteinë të quajtur interleukin-6 që shpesh gjendet me tepricë te pacientët me COVID-19.
Agjencia, ka njoftuar se një studim i 4,116 të rriturve të shtruar në spital me COVID-19 të rëndë tregoi se trajtimi me RoActemra përveç trajtimit standard ul rrezikun e vdekjes kur krahasohet vetëm me trajtimin standard. /Gazeta Shneta/