Pritjet e gjata për të kryer një rezonancë magnetike në QKUK duket se po vijnë drejt fundit.
Drejtoresha e Klinikës së Radiologjisë Shkendije Nuza ka raportuar sot para Bordit Drejtues të SHSKUK-së, shkruan Gazeta Shneta.
Nuza ka treguar për shërbimet dhe punën që kryhet në këtë klinikë, si dhe për sfidat me të cilat përballen dhe planet për të zhvilluar edhe më tutje shërbimet e reja.
Nuza ka thënë se pacientët presin deri në 2 muaj për një rezonancë magnetike, meqë janë funksionalizuar shërbimet 24 orëshe në MRI-në e cila ndodhet në Pediatri dhe në atë të Neurologjisë.
Ajo ka deklaruar se 65 pacientë të referuar jashtë vendit në vitin 2023 me patologji aneurizmat intracerebrale, embolizime dhe colingu.
Nuza ka thënë se dy nga sfidat kryesore të radiologjisë janë aparaturat e vjetra deri në 16 vite, si dhe rritja e moshës mesatare dhe pensionimi i radiologëve për çka ka thënë se nevojitet të shtohet numri i tyre për shkak të shtimit edhe të numrit të shërbimeve.
Ajo ka thënë se në të ardhmen duhet të planifikohet funksionalizimi i radiologjisë onkologjike. /Gazeta Shneta/