Një studim i publikuar më 7 prill në “JAMA Pediatrics”, tregon se binjakët akumulojnë proporcionalisht më pak ind dhjamor në barkun e nënës krahasuar me foshnjat e vetme, që nga java e 15-të e shtatzënisë.
Studiuesit analizuan zhvillimin e indeve të buta fetale në 2,604 shtatzëni me një fëmijë dhe 171 shtatzëni me binjakë (315 fetuse), duke përdorur të dhëna nga ekografitë midis javës së 15-të dhe të 37-të të shtatzënisë, shkruan burimi Health Day, transmeton Gazeta Shneta.
Sipas rezultateve, matjet mesatare të barkut të binjakëve ishin dukshëm më të vogla sesa ato të foshnjave të vetme, sidomos nga java e 25-të deri në të 37-tën, me një diferencë prej –48.6 mm² në javën e 25-të dhe –480.5 mm² në javën e 37-të. Trashësia maksimale e indit nënlëkuror të barkut ishte gjithashtu më e ulët për binjakët.
Vëllimi i kofshës dhe përqindja e yndyrës ishin më të ulëta tek binjakët që nga java e 15-të deri në të 37-tën, me një diferencë mesatare prej –7.55 cm³ për vëllimin total të kofshës dhe –5.60 cm³ për yndyrën. Edhe vëllimi i indeve pa yndyrë ishte më i vogël për binjakët në periudha të ndryshme të shtatzënisë.
Studiuesit thonë se këto të dhëna mbështesin idenë e një mekanizmi të hershëm përshtatës evolucionar që ndikon zhvillimin e binjakëve, edhe kur shtatzënia është e pandërlikuar. /Gazeta Shneta/