Hipertensioni përkufizohet si presioni i gjakut që është më i lartë se 140/90.
Hipertensioni i rëndë përkufizohet si presioni i gjakut që është më i lartë se 150/110. Ndonjëherë gratë që zakonisht kanë një presion normal të gjakut do të kenë hipertension gjatë shtatzënisë, shkruan Pregnancy info.ca përcjell Gazeta Shneta.
Ndodh në 5% të të gjitha shtatzënive dhe 10% të shtatzënive të para.
Gratë janë në rrezik për hipertension gestacional nëse:
– Janë nëna për herë të parë;
– Keni motra ose nëna që kanë pasur hipertension gestacional;
– Jeni më të reja se 20 ose më të vjetëra se 40 vjeç;
– Para shtatzënisë keni pasur presion të lartë të gjakut.
Për të mësuar më shumë rreth komplikimeve të shtatzënisë KLIKO KËTU.
Pas javës së 20-të, hipertensioni mund të çojë në pre-eklampsi, një gjendje e rëndë që karakterizohet nga presioni i lartë i gjakut dhe proteina në urinë.
Për t’ju monitoruar për hipertension gestacional, ofruesi juaj i kujdesit shëndetësor do të kontrollojë presionin e gjakut dhe do të masë përmbajtjen e proteinave në urinë.
Rezultatet e këtyre dy testeve do t’ju tregojnë nëse keni hipertension gestacional ose jeni në rrezik për zhvillimin e pre-eklampsisë.
Nëse keni hipertension, kini kujdes për simptomat që mund të sinjalizojnë pre-eklampsi, duke përfshirë dhimbje koke, shikim të paqartë, marramendje, të përziera ose të vjella dhe gulçim.
Si trajtohet hipertensioni gestacional dhe pre-eklampsia?
Nëse keni presion të lartë të gjakut, mund t’i nënshtroheni një sërë testesh të tjera për të parë nëse organet tuaja ende funksionojnë mirë (p.sh., testet e funksionit të mëlçisë dhe veshkave).
Nëse keni hipertension të rëndë, ju mund të shtroheni në spital për kujdes dhe kështu fëmija juaj mund të monitorohet.
Në varësi të ashpërsisë së hipertensionit tuaj, trajtimi mund të përfshijë:
– Pushimin;
– Suplementet e kalciumit;
– Medikamentet;
– Lindja e foshnjës tuaj (në varësi të javës – se sa javë jeni shtatzënë). /Gazeta Shneta/