Mamia Razije Musa ka folur për frytnimin e asistuar mjekësor të njohur ndryshe si IVF.
Mamia ka thënë se kjo procedurë kërkon durim dhe përkushtim, ndërsa nënat që e kryejnë këtë procedurë i ka quajtur heroina, shkruan Gazeta Shneta.
Postimi i saj i plotë:
GRATË QË I NËNSHTROHEN IVF-it JANË HEROINA
Të dashurat e mia, shumë nga ju të frikësuara, me shumë dyshime e pasiguri më pyesni se çka mendoj për IVF-in dhe se a ka ndonjë këshillë profesionale që mund t’a jap në lidhje me këtë procedurë.
Unë profesionalisht nuk jam e thirrur për të dhënë këshilla në këtë drejtim, ajo që unë mund të them është se ju duhet të jeni të qeta dhe të besoni te profesionistët e fushës.
Vetë procedura është e tillë që kërkon durim dhe përkushtim. Unë sot do të kërkoja nga ju që ju t’a shihni çështjen e IVF-it me një sy tjetër.
Gratë që i nënshtrohen kësaj procedure i shoh më të forta se çdo qenie tjetër në këtë botë. Dëshira për të sjellë në jetë një fëmijë e mund frikën e pasigurinë që është pjesë e natyrës së njeriut.
Kur ju jeni në proces të frytnimit me procedura të asistuara si IVF unë do u sygjeroja të mos fokusoheni në rastet e dështimeve.
Mendojeni se miliona bebe në këtë botë kanë ardh në jetë të nisura nga IVF-i. Kujtojani vetës më shpesh se miliona gra në botë kanë sjellë më shumë se një fëmijë në jetë përmes kësaj metode.
Jeni të qeta, merruni me veten, shëtitni nëse e keni të mundur, dëgjoni muzike, largohuni nga njerëzit negativ dhe besoni fort se të gjitha këto veprime do ju sjellin një hap më afër suksesit.
Çdo nanë është heroinë për shkak të sakrificës për të sjellë në jetë fëmijët e saj, por besoj fort që nanat që i nënshtrohen procedurave të IVF-it janë shumë herë më të forta se ne të tjerat.
Këshilla ime është që në momentin që ju e kuptoni se shtatëzania juaj mund të arrihet vetëm përmes metodës së fertilizimit invitro të mos e vononi procesin, është shumë me rëndësi që të mos kalojnë vjetët duke tentuar për dicka që profesionistët e vlerëojnë se nuk mund të ndodhë ndryshe.
Suksese të gjithë juve që jeni në këtë procedurë.
Me dashuri, Razija