Për ata që janë prekur nga depresioni, një studim i ri sjell lajme të këqija. Nëse nëna ose babai janë në depresion, ka më shumë gjasa se zakonisht për lindje të parakohshme, sipas studimit të realizuar nga shkencëtarët suedezë.
Ata ekzaminuan një numër prindërish të porsalindurish, lidhur me përdorimin e antidepresivëve dhe nivelin e depresionit. Lindja e parakohshme mund të ndikojë rëndë në zhvillimin dhe shëndetin e foshnjes, tek zhvillimi i trurit, e mund të ndikojë deri edhe tek paraliza celebrale që mund të shfaqet më vonë, në mosha të mëdha. Të dhëna të rëndësishme mbi këto pasoja i ka dhënë Kongresi i Obstetrëve dhe Gjinekologëve Amerikanë.
Ndërsa ky studim, sygjeron se femrat që janë në gjendje depresioni, ose trajtohen me antidepresantë, kanë rrezikshmëri më të lartë për të lindur para kohe, dhe është i pari kërkim që ka studiuar lidhjen që mund të ketë edhe gjendja e babait tek fëmija i ngjizur.
Kërkuesit suedezë shqyrtuan të dhënat nga të 2-ja sekset: Baballarët që vuajnë nga depresioni kronik duket se nuk sjellin rrezik për një lindje të parakohshme, por meshkujt që sapo kishin hyrë në fazë depresioni në momentin kur ishte ngjizur fëmija, kishin 38% më shumë rrezik për të pasur fëmijë të lindur para kohe, nga 22 deri pas 31 javësh shtatzani, nga 37-42 javë, që konsiderohet koha e duhur që një foshnje të zhvillohet plotësisht.