Depresioni pas lindjes është një problem që mund të prekë secilën prej nesh, por më të rrezikuara janë nënat të cilat kanë një fëmijë në terapi intensive.
Përse këto nëna janë më të rrezikuara?
Ato kalojnë nga lumturia e të priturit një fëmijë në një gjendje ankthi dhe shqetësimi në lidhje me shëndetin e fëmijës. Shenjat e depresionit mund të shfaqen edhe tek babai që ka një fëmijë në spital, dhe rreziku është rreth 40% më i lartë se prindërit e tjerë.
Përse prindërit që kanë një fëmijë në terapi intensive janë më të shqetësuar?
Sepse fëmija i tyre mund të ketë lindur para kohe dhe mund të ketë komplikacione të caktuara;
Ata janë të pasigurt në lidhje me atë që i pret dhe kjo shkakton rritje të stresit dhe ankthit.
Fjala e eskpertëve
Truri i prindërve që kanë një fëmijë në terapi intensive (pjesa e trurit që aktivizohet në momentet e stresit) qëndron në gjendje vigjilente. Në të vërtetë truri ka nevojë për pushim dhe këta prindër nuk kanë mundësi ta bëjnë këtë duke bërë që ankthi dhe stresi të thellohen edhe më tepër. Kështu shprehet Jaime Malone, mjek psikiatër.
Shumë lindje të parakohshme janë ato që e bëjnë një nënë më të rrezikuar ndaj depresionit sepse ajo ndien njëfarë zhgënjimi. Të kesh një lindje të vështirë dhe me traumë e rrit edhe më tepër rrezikun e shfaqjes së depresionit.`