Dalja e dhëmbëve është proces i vazhdueshëm që zgjat nga foshnjëria në fëmijëri.
Dalja e dhëmbëve te fëmijët mund të ndryshojë nga procesi si dalin tek foshnjat. Simptomat janë të ndryshme dhe duhet të trajtohen ndryshe, përcjell Gazeta Shneta.
Cilat janë simptomat e daljes së dhëmbëve tek fëmijët?
Ju do ta dini se fëmijës po i dalin dhëmbët kur të shihni shenjat si në vazhdim:
1. Nervozizmi: Ndoshta shenjat kryesore për dalje të dhëmbëve janë ndryshimi i disponimit dhe nervozizmi. Fëmija do të bëhet më i bezdisshëm dhe do të ketë shpërthime çasti më shpesh se zakonisht.
2. Ndryshime në sjellje: Gjërat e vogla e shqetësojnë fëmijën shumë lehtë.
3. Irritime në mishëra: Mishërat mund të duken të skuqur dhe gjithmonë të pezmatuar.
4. Vështirësi të bijnë në gjumë: Kur fëmijës i dalin dhëmbët kanë problem t’i marrë gjumi, por edhe kur flejnë, kanë gjumë me ndërprerje dhe jo të rehatshëm.
5. Jargojnë: Njësoj si bebet, edhe fëmijët do të kenë shumë jargë gjatë procesit të daljes së dhëmbëve.
6. Nuk iu haet ushiqmi: Fëmijët nuk do të jenë të interesuar në ushqim, sidomos në atë të fortë.
7. Thithin gishtat: Vedosja e gishtit të madh ose gishtave tjerë në gojë i ndihmon fëmijët të zbusin mishërat e pezmatuar.
8. Tendenca për të kafshuar gjëra: Ata kafshojnë gjëra të buta si lodrat me gomë ose lugë të plastikës.
9. Ngrehin veshin.
Nuk mund të thuhet se sa zgjat dhembja e daljes së dhëmbëve, por sapo dhëmbi të dalë në sipërfaqe të mishit, fëmija do të fillojë të ndihet mirë.
Si t’i lehtësoni dhembjen?
1. Përdorni unaza dhe lodra të dizajnuara veçanërisht për fëmijët të cilëve po i dalin dhëmbët, që t’i kafshojnë ata.
2. Lagni me ujë të ftohtë një facultetë të re dhe të pastër dhe jepni fëmijës tuaj që ata ta vendosin në gojë.
3. Bëni masazh mishërave të dhëmbëve.
4. Jepni pije të ftohta.
5. Jepni barna për dhembje, por vetëm me rekomandim të mjekut./GazetaShneta