Studime të ndryshme kanë treguar se një partner i vetëdijshëm ose i ndërgjegjshëm është një plus i madh për një jetë të shëndoshë në çift.
Personaliteti reflekton mënyrën tipike të të menduarit, ndjenjat dhe sjelljen e një personi. Psikologët tentojnë të shqyrtojnë personalitetin në pesë tipare kryesore: tipi ekstrovert (I hapur), hapja ndaj përvojave, ndërgjegja, stabiliteti emocional dhe pajtueshmëria, transmeton GazetaShneta.
Karakteristikat e personalitetit mund të kenë një ndikim të fortë në shëndet, madje mund të ndikojë edhe në jetëgjatësinë tuaj. Hulumtimet tregojnë se sa më i ndërgjegjshëm është një person, aq më shumë jetojnë.
Ndërgjegjshmëria përcaktohet nga nivele të larta të vetëdisiplinës. Për shkak se njerëzit e ndërgjegjshëm janë më të organizuar dhe më të kujdesshëm, ata kanë më shumë gjasa që të bëjnë jetë më të shëndetshëm sesa kolegët e tyre më pak të ndërgjegjshëm. Për shembull, ata mund të kenë më shumë gjasa të ndjekin këshillën e mjekut të tyre, të hanë më mirë dhe të ushtrojnë më shumë, përcjellë “Science Direct”.
Një studim amerikan analizoi marrëdhënien midis partnerëve të ndërgjegjshëm dhe vlerësimeve shëndetësore në 2,203 çifte të moshuar. Ata zbuluan se ndërgjegja e burrave ndikoi në shëndetin e grave, dhe ndërgjegja e grave ndikoi në shëndetin e burrave. Të njëjtat gjetje u përsëritën edhe në një studim më të fundit.
Këto rezultate treguan diçka veçanërisht interesante: ndërgjegja kishte një efekt kompensues, që do të thotë se të kesh një bashkëshort më të ndërgjegjshëm parashikoje të kesh një shëndet më të mire.
Këto rezultate tregojnë se personaliteti i partnerit tonë është i rëndësishëm për shëndetin tonë, kështu që zgjidhni partnerin tuaj të jetës me kujdes./GazetaShneta/