Për çiftet të cilat planifikojnë krijimin e familjes, zbulimi i hershëm i problemeve të fertilitetit mund të jetë një mënyrë e sigurt për të trajtuar infertilitetin.
Tashmë, zbulimet e fundit kanë treguar një avancim në këtë fushë, gjë që mund të ndikojë në suksesin e këtyre trajtimeve shkruan Very Well Family, transmeton Gazeta Shneta.
Mësoni më shumë në lidhje me komplikimet e shtatzënisë KËTU
Studimi, i botuar në Human Reproduction, vë në dukje se kur endometrioza diagnostikohet përpara fillimit të trajtimeve riprodhuese, mund të përmirësojë mundësinë për të mbetur shtatzënë me sukses.
Zakonisht, gratë në të 30-tat dhe 40-tat e tyre mund të përballen me endometriozë.
Kjo gjendje mund të shkaktojë ngërçe gjatë ciklit menstrual, dhimbje gjatë marrëdhënieve seksuale dhe probleme me sistemin tretës.
Në momentin që gratë diagnostikohen me endometriozë, në rekomandim me mjekun e tyre mund të përzgjedhin dy forma për të ngelur shtatzënë: fekondim in vitro dhe procedurën për trajtimin e tij përmes Inseminimi intrauterine (IUI).
“Për gratë (me endometriozë) që përpiqen të ngelen shtatzënë, ato mund të përzgjedhin IVF sesa të përdorin IUI, por përsëri ky është një vendim që një grua duhet të marrë në konsultim me mjekun e saj,” shton Dr. Moss.
Hulumtimet tregojnë se gratë me endometriozë që morën trajtim IUI përjetuan një reduktim prej 30% në arritjen e suksesit të shtatzënisë.
Sipas studimit nga studiuesit e Universitetit Queensland konkluduan se diagnostifikimi para shtatzënisë mund t’ju kursejë kohë dhe lodhje fizike e psiqike, dhe gjithashtu në përzgjedhjen e duhur të trajtimit./Gazeta Shneta/