Dieta e dobët mund të rrisë rrezikun e obezitetit, sëmundjeve të zemrës, diabetit të tipit 2 dhe disa llojeve të kancerit.
Një studim i ri ka zbuluar se metilglioksali – i cili prodhohet kur glukoza shpërbëhet në qeliza – mund të ndihmojë në shpjegimin e lidhjes midis dietës së dobët ushqyese dhe kancerit, shkruan burimi Medical News Today përcjell Gazeta Shneta.
Ata sugjerojnë se një dietë e varfër afatgjate çon në një rritje të prodhimit të metilglioksalit, i cili çaktivizon gjenet parandaluese të kancerit, duke rritur rrezikun e kancerit.
Ushqimi i dobët, lidhet me shumë gjendje shëndetësore, mes tyre obezitetin, sëmundjet e zemrës, diabetin e tipit 2 dhe kanceret, duke përfshirë ato të gjirit, mitrës dhe zorrëve. Marrja e lartë e natriumit, yndyrave të ngopura dhe sheqernave mund të rrisë rrezikun e sëmundjeve kronike si sëmundjet e zemrës dhe diabeti i tipit 2, por ajo që lidh dietën dhe kancerin është më pak e qartë.
Edhe pse shumë ushqime thuhet se lidhen me rritjen ose uljen e rrezikut të kancerit, sipas Institutit Kombëtar të Kancerit, asnjë studim nuk ka treguar ende se ndonjë përbërës dietik shkakton ose mbron drejtpërdrejt nga kanceri.
Tani, një studim nga Universiteti Kombëtar i Singaporit, i botuar në revistën “Cell”, ka zbuluar një mekanizëm që mund të ndihmojë për të shpjeguar pse dieta e dobët rrit rrezikun e kancerit.
Në studimet e qelizave, studiuesit zbuluan se metilglioksali, i cili prodhohet kur qelizat shpërbëjnë glukozën për të çliruar energji, mund të pengojë gjenet që mbrojnë kundër kancerit.
Ata sugjerojnë se dieta e dobët çon në nivele më të larta të metilglioksalit, duke rritur gjasat për kancer.
“Ky studim sugjeron një lidhje të mundshme midis niveleve të larta të metilglioksalit, një nënprodukt metabolik dhe një modeli mutacioni gjenetik që shihet në disa lloje kanceri. Është një zonë interesante për t’u eksploruar më tej, por ne kemi nevojë për kërkime të mëtejshme laboratorike dhe testime klinike për të përcaktuar përfundimisht nëse nivelet e metilglioksalit janë të lidhura drejtpërdrejt me rrezikun e kancerit, tha Dr. Tayyaba Jiwani, menaxhere e angazhimit shkencor në “Cancer Research UK”, e cila nuk ishte e përfshirë në studim, duke folur për Medical News Today. /Gazeta Shneta/