Mamia nga Kosova Razie Musa së fundmi ka shkruar rreth problematikës më të përhapur tek shtatëzënat, që janë të vjellat e mëngjesit.
Ajo ka përmendur disa këshilla konkrete për përmirësimin e kësaj simptome, shkruan GazetaShneta.
Lexoni postimin e plotë:
Të vjellat në shtatëzani…
Të dashura nana uroj të jeni mirë, shumë herë pyetem se si të menaxhohen të vjellat e mëngjesit.
Së pari dua të ju them se gjysma e grave shtatëzënë në periudhën 6 deri në 16 javë mund të kenë vjellje të mëngjesit por vetëm një përqindje e vogël e tyre mund të shkoj në përkeqësime e deri në humbje të lëngjeve.
Në përvojën time profesionale e di se afër javës së 16 këto të vjella reduktohen por nuk përjashtohet mundësia që të vazhdojnë, madje ka raste që gruaja deri në fund të shtatëzanisë ka të vjella. Shkaku i këtyre ndryshimeve normalisht se janë hormonet që e shoqërojnë gjithë shtatëzaninë.
Ju duhet të kërkoni ndihmë mjekësore nëse të vjellat janë shumë të shpeshta, nëse nuk mund të hani asgjë, nëse urinoni rralle dhe urina është e errët, keni gërqe e rënie në peshë.
Cdo shtatëzënë që ka të vjella mund t’a ndihmojë veten nëse han ushqim më shpesh dhe në sasi të vogla, konsumon lëngje, shmangë ushqimet me shumë yndyrë dhe djegëse, të shmangë aromat që mund t’a ndikojnë vjelljet dhe të mos qëndrojë në ambiente me nxehtësi të madhe.
Unë gjithmonë e jap një këshillë që e di se funksionon, RELAKSOHUNI, dëgjoni muzikë, ecni, dilni në natyrë dhe mbi të gjitha RINI LARG NJERËZVE NEGATIVË.
Gjithmonë për çdo shqetësim jeni në kontakt me mjekun apo maminë që e përcjellin shtatëzaninë tuaj.
Me dashuri, Razija