Në Ditën Përkujtimore të Profesionistëve Shëndetësor, të mbajtur me 16 shkurt 2024, u organizua një ceremoni nderimi, në të cilën morën pjesë figura të shquara të fushës së shëndetësisë.
Ndër të pranishmit ishin Dr. Pleurat Sejdiu, kryetar i Odës së Mjekëve të Kosovës, Z. Elvir Azizi, drejtor i SHSKUK-së, Znj. Nexhmije Gori, kryetare e Odës së Infermierëve, Prof. Dr. Blerim Kamberi, kryetar i Odës së stomatologëve, si dhe Z. Kadri Bytyqi, kryetar i Odës së Farmacistëve.
Kryetari i Odës së Mjekëve, Dr. Pleurat Sejdiu, shprehu falënderimin për të gjithë pjesëmarrësit në këtë ngjarje dhe shprehu dëshirën për bashkëpunime të mëtejshme për një sistem shëndetësor më të mirë.
Ai theksoi rëndësinë e respektimit dhe përkujdesjes ndaj kontributit të vazhdueshëm dhe sakrificave të mjekëve gjatë dekadave.