Dr. Memli Morina: Vaksina kundër Covid-19 nuk shkakton infertilitet

2021-09-26 në ora 12:43

Bazuar në të dhënat e deritanishme, vaksina kundër Covid është e sigurt dhe efektive në mbrojtjen e shëndetit të njerëzve, duke përfshirë këtu edhe tek gratë shtatzëna.

Dr. Memli Morina, gjinekolog/obstetër, ka treguar se gratë shtatzëna, nënat gjidhënëse dhe çiftet që planifikojnë krijimin e familjes mund të ndihen të sigurt të marrin vaksinën Covid-19 shkruan Gazeta Shneta.

Sipas tij, vaksina kundër Covid nuk shkakton infertilitet dhe nuk e rrezikon shëndetin e foshnjes suaj gjersa ju jeni shtatzënë apo derisa ju ushqeni atë me qumësht gjiri.

Aktualisht, varianti Delta është duke u transmetuar më shumë tek fëmijët dhe gratë shtatzëna.

Për këtë, ai inkurajon të gjitha gratë shtatzëna dhe gjidhënse që të vaksinohen kundër Covid, në mënyrë që të mbrojnë shëndetin e tyre dhe të foshnjes./Gazeta Shneta/

Për më tepër, ndiqni videon e publikuar nga Ministria e Shëndetësisë (MSh) KËTU