Drejtori Mjekësor në Spitalin e Mitrovicës jep dorëheqje, e mohon se pati presion nga drejtoresha

2022-08-01 në ora 16:13

Pas rreth dy vitesh sa ka qenë në pozitën e drejtori mjekësor në Spitalin Publik “Sami Haxhibeqiri” në Mitrovicës së Jugut, Naser Jashari ka vendosur të dorëhiqet nga kjo pozitë.

Një javë më parë ai ka dorëzuar dorëheqjen e tij tek menaxhmenti i spitalit.

Sipas tij deri tek dorëheqja erdhi për shkaqe shëndetësore përderisa hedh poshtë të gjitha raportimet se mbi të është ushtruar presion nga ana e menaxhmentit të spitalit regjional.

“Jo. Kurrë nuk kam pas presion përkundrazi kam pas raporte të shkëlqyera me drejtoreshën (e spitalit Luljeta Zhubi). Arsyeja kryesore është arsyeja shëndetësore dhe të tjerat janë personale mirëpo nuk ka të bëjë aspak me presion ose dicka tjetër”, bënë të ditur ai.

Në vazhdën e mjekëve të cilët janë në shqyrtim të vendimit për të lëshuar punën në institucionet shëndetësore publike për në ato private është edhe ish drejtori mjekësor. Ai në një prononcim për Gazetën Shneta ka sqaruar se është në shqyrtim të vendimit për të hequr dorë edhe nga puna si mjek në spitalin publik të Mitrovicës së Jugu për të vazhduar vetëm në privat.

“Jam në pushim mjekësor dhe jam duke i shqyrtu mundësit që ndoshta edhe prej spitalit shkoj. Ka mundësi që kaloj në privat ende nuk është vendim definitiv por cështja kryesore është shëndeti. Dua të kursej shëndetin”, sqaroi Jashari.

Institucionet shëndetësore publike janë duke u ballafaqur me mungesë të mjekëve, në njërën anë me dhjetra mjekë të reparteve të ndryshme në QKUK e spitale regjionale janë duke lëshuar punën për të vazhduar në ndonjë spital apo klinik private e në anën tjetër institucionet shëndetësore janë duke u ballafaqur edhe me ikjen e mantelbardhëve në vendet perëndimore për të ushtruar profesionin e tyre si mjek apo infermier.

Në Klinikën e Pediatrisë pritet të lëshojnë punën Avdi Murati dhe Hajdin Imeri të dy pediatra/ pulmolog. Në po të njejtën klinik punën e kanë lëshuar, për t’u transferuar në privat, edhe katër mjekë të tjerë, Valbona Stavileci – nefrologe, Vjosa Kotori – endrokrinologe, Armend Vuciterrna- neurolog dhe Naim Zeka – neurolog.

Kushtet e rënda të punës, kujdestari të rënda, paga të ulët e vlerësimi i dobët janë disa nga arsyet që mantelbardhët kanë vendosur të heqin dorë nga puna e shtetit për një punë në privat.

Gazeta në vazhdimsi është duke raportuar për mjekët të cilët janë duke e lëshuar punën në QKUK apo në ndonjë spital privat. /Gazeta Shneta/

Gjashtë pediatër me përvojë e kanë lënë punën në QKUK