Pirja e duhanit gjatë shtatzënise reflektohet te fëmija shumë më shumë nga ç’mund të imagjinohet. Një studim i “Lancaster University”, ku morën pjesë 20 nëna të ardhshme, katër prej të cilave duhanpirëse të rregullta, tregoi dallimin shkruan Pediatrica transmeton Gazeta Shneta.
Në studim u vu re se foshnjet e nënave joduhanpirëse ishin më të qeta në bark dhe lëviznin më pak në krahasim me foshnjet e palindura të nënave duhanpirëse, që vinin duart më shpesh në gojën dhe fytyrën e tyre.
Nadja Reissland, udhëheqëse e studimit të botuar në revistën “Acta Paediatrica” thotë se në të shumtën e herëve foshnjet lëvizin dhe prekin fytyrën dhe gojën e tyre kur ndjejnë një shqetësim të jashtëm. Kështuqë në mesin e këtyre shqetësimeve, futet edhe cigarja.
Studimi nënvizon gjithashtu se konsumi i duhanit gjatë shtatzënisë rrezikon që fëmija të lindë me probleme zhvillimi të sistemit nervor qendror./Gazeta Shneta