Ndër mitet më të shpeshta që dëgjohet duke u diskutuar në mesin e shoqërisë është nëse duhet ushqyer dy herë më shumë, përkatësisht për vetën dhe për foshnjën, përgjatë periudhës së shtatzënisë.
Sipas Aren Gottlieb, gjinekologe e njohur në Nju Jork, shtatzënia nuk duhet t’ju shërbejë si arsyetim për t’i ngrënë dy copa ëmbëlsirë. Sipas saj, ato kalori të tepërta mund t’ju shkaktojnë më shumë dëme sesa t’ju sjellin përfitime shëndetësore.
“Nënat patjetër duhet të hanë ushqim të shëndetshëm dhe të sigurohen se janë duke i marrë të gjitha vlerat ushqyese që u duhen, por nëse do të duhej të hanin për dy persona, ato do të fitonin shumë peshë, pra do të merrnin formë të çuditshme të trupit dhe do të kishin komplikime të mëdha”, thotë Dr. Gottlieb.
Keni parasysh se ngrënia e tepërt gjatë shtatzënisë – “ngrënia sa për dy persona” – mund t’jua rritë rrezikun e diabetit dhe të shkaktojë vështirësi gjatë lindjes së bebes. /Telegrafi/