Qeskat e gjirit? Çfarë janë ato? Si duken? A i kam unë apo jo?
Këto janë disa pyetje që ndoshta gratë e vajzat rrallë kanë mundur t’ia bëjnë vetes.
Por interneti nuk lë asgjë pa e hedhur në dritë, andaj edhe këtyre pyetjeve më në fund po u jep përgjigje, shkruan GazetaShneta.
Në Twitter është postuar një foto që ka marrë mijëra shpërndaje e pëlqime. Në këtë imazh tregohet versioni muskulor I gjoksit të femrës, që në detaje tregon vendin e saktë se ku prodhohet qumështi për foshnjat.
Këto qeska janë të ndara në segmente të veçanta ku secili ka një kanal në veti të lidhur me thithën e gjirit nëpër të cilët kalon lënda për në gojën e foshnjes, përcjellë BBC.
Një imazh i tillë duket se ka quar në këmbë rrjetet sociale, e sidomos gratë e vajzat të cilat përmes komenteve kanë shkruar se kurrë nuk u kishe shkuar mendje se ku ruhet qumështi.
“Njëherë mendova se është një lule përreth gjirit; tash më duket se një jashtëtokësor jeton brenda trupit tim”, shkruan në një koment.
Disa të tjerë kanë kanë shprehur me humor se ndihen të traumatizuara, e të tjerë kanë pyetur se përse një fotografi e tillë e anatomisë fëmërore nuk është mësuar asnjëherë në shkollë.
E disa nëna tjera kanë parë edhe anën e bukur të kësaj anatomie, duke shkruar se ju duket e mahnitshme që trupi i gruas është i ndërtuar në këtë mënyrë./GazetaShneta/