Ushqyerja me gji mund të jetë momenti më i bukur për një nënë, ku përveç kënaqësisë, kjo metodë natyrale ushqyese sjell edhe një sërë përfitimesh shëndetësore.
Por është normale që në fillimet e para që i japim fëmijës gji të ndiejmë dhe pak dhimbje. Është ndryshe kur bëhet fjalë për një dhimbje kronike që nuk kalon dhe është shumë intensive. Në këtë rast shoqërohet me simtoma si skuqje dhe enjtje që është tepër serioze. Në qoftë se keni dhimbje gjirit është mirë të mos e lini pas dore, por duhet të konsultoheni me një mjek për të kuptuar shkaqet se nga vjen kjo dhimbje. Me pak durim dhe me disa ilaçe që mund tu japi mjeku çdo gjë rregullohet.
Në fillimet e gjidhënies do keni dhimbje kur fëmija pi gji derisa kuptohet pozicioni i duhur për fëmijën. Kjo dhimbje nuk duhet ta bëjë nënën të heqë dorë nga gjidhënia, duke e ditur se çfarë përfitimesh kanë të dy.
Dhimbjet e gjirit mund të vijnë si pasojë e një infeksioni, ndonjë stresi të fortë që po kalon nëna apo për shkak të çarjes së thithave. Këto janë përgjegjëse për dhimbjen e gjirit, e cila ndonjëherë është aq e fortë sa bëhet e padurueshme dhe e bën nënën të mos i japi gji fëmijës.
Bllokimet e gjoksit zakonisht ndodhin në javët e para të ushqyerjes me gji.
Por çfarë e shkakton dhimbjen e gjoksit gjatë ushqyerjes me gji?
Mund të ndodhë edhe për shkak të thithjes që i bën fëmija. Në këto raste nuk ka asgjë për tu shqetësuar pasi është një dhimbje që ikën brenda shumë pak sekondave./pernenat.al/