Deri në vitin 2006 sipas studimeve, është menduar se shtatzënia e nxit plakjen e organizmit të gruas.
Por sa është e vërtetë kjo gjë?
Sipas tyre, shtatzënia modifikon trurin e gruas duke e bërë atë të funksionojë në mënyrë më të ngadaltë dhe sipas tyre, numri i madh i fëmijëve redukton edhe jetëgjatësinë, duke qënë se gruaja jep kalçiumin e organizmit të saj për zhvillimin e kockave të fetusit, pesha rritet dhe kështu metabolizmi do të jetë më i ngadaltë, rritet numri i rrahjeve të zemrës etj.
Por sa pranohet kjo teori në ditët e sotme?
Sipas një studimi të publikuar në vitin 2017 në revistën shkencore “Nautilus”, Jordana Cepeleëicz, gazetarja e famshme, ka sjellë përfundimet e disa studimeve të kryera në SHBA dhe Danimarkë, sipas të cilave, gratë të cilat sillnin në jetë fëmijën e fundit pas moshës 40 vjeçare, kishin një probabilitet më të madh për të shkuar deri në moshën 100 vjecare.
Gjithashtu, studime të kryera në Guatemala dhe Jeruzalem e lidhin shtatzaninë me faktin se gruaja rinohet pas lindjes si pasojë e zgjatjes së telomerëve (pjesë të kromozonit). Sipas Universitetit hebraik, gruaja do të rinohet më tepër sidomos nëse bën një fëmijë në moshë të madhe.
Shtatzënia dhe cilësia e jetës
Shtatzania ka efekte pozitive kryesisht tek gratë e prekura nga skleroza multiple, dhe këtë e mbështetin studime të ndryshme të kryera në vitet 1994, 2004 dhe 2006 kanë treguar se sëmundja ka një ecuri më të ngadaltë nëse gruaja do të ketë sjellë në jetë fëmijë.
Megjithatë, ende ka studiues që mbështetin faktin se gruaja plaket pas lindjes, dhe kjo konsiderohet si një e dhënë që i përket edhe shoqërisë që është marrë në studim, pra nëse gruaja ka pritshmeri të larta nga roli i saj në shoqëri edhe pas lindjes. Nëse ajo kujdeset për veten e saj dhe rolin e saj në shoqëri apo familje, cilësia e jetës së saj do të përmirësohet. /syri.net